Download Edukasyong Elementarya and more Lecture notes English Literature in PDF only on Docsity!
Name SN38_Sapigao, Krisha May Mejia Block BSED Filipino 3A Rating/Iskor: Course Subject COG2 - Filipino sa Natatanging Gamit Instructor Gng. Ginalyn Molina MGA LAYUNIN NG EDUKASYONG ELEMENTARYA I. LAYUNIN Sa pagtatapos ng klase, ang mga mag-aaral ay inaasahang: a. Naipaliliwanag ang mga layunin ng edukasyong elementarya b. Nakapagbibigay ng mga halimbawa ng mga kasanayang natututunan sa bawat layunin. c. Naisasagawa ang mga kasanayang natututunan sa bawat layunin ng edukasyong elementarya. II. PAGTATALAKAY KONSEPTUWAL NA BALANGKAS SA PAGTUTURO SA FILIPINO
PAMANTAYAN NG PROGRAMA NG BAITANG 1-
Nagagamit ang wikang Filipino upang madaling maunawaan at maipaliwanag ang mga kaalaman sa araling pangnilalaman, magamit ang angkop at wastong salita sa pagpapahayag ng sariling kaisipan, damdamin o karanasan nang may lubos na paggalang sa kultura ng nagbibigay at tumatanggap ng mensahe. KINDERGARTEN Naipamamalas ng mag-aaral ang kakayahan sa pagpapahayag ng iniiisip at damdamin sa wikang katutubo at ang kahandaan sa pagbasa at pagsulat upang makilala ang sarili at matutong makisalamuha sa kapwa. BAITANG 1 Inaasahang nauunawaan ng mga mag-aaral ang mga pasalita at di-pasalitang paraan ng pagpapahayag at nakatutugon nang naaayon. Nakakamit ang mga kasanayan sa mabuting pagbasa at pagsulat upang maipahayag at maiugnay ang sariling ideya, damdamin at karanasan sa mga narinig at nabasang mga teksto ayon sa kanilang antas o nibel at kaugnay ng kanilang kultura. BAITANG 2 Inaasahang nasasabi ng mga mag-aaral ang pangunahing diwa ng tekstong binasa o napakinggan, nagagamit ang mga kaalaman sa wika, nakababasa nang may wastong paglilipon ng mga salita at maayos na nakasusulat upang maipahayag at maiugnay ang sariling ideya, damdamin at karanasan sa mga narinig at nabasang mga teksto ayon sa kanilang antas o nibel at kaugnay ng kanilang kultura. BAITANG 3 Inaasahang nasasabi na ng mga mag-aaral ang pangunahing diwa ng tekstong binasa o napakinggan at nakapagbibigay ng kaugnay o katumbas na teksto, nagagamit ang mga kaalaman sa wika, nakababasa nang may wastong paglilipon ng mga salita at maayos na nakasulat gamit ang iba’t ibang bahagi ng pananalita upang maipahayag at maiugnay ang sariling ideya, damdamin at karanasan sa mga narinig at nabasang mga teksto ayon sa kanilang antas o lebel at kaugnay ng kanilang kultura. KINDERGARTEN - BAITANG 3 Sa dulo ng Baitang 3, nakakaya ng mga mag-aaral na ipakita ang kasanayan sa pag-unawa at pagiisip sa mga narinig at nabasang teksto at ipahayag nang mabisa ang mga ibig sabihin at nadarama.
